اقتباس المشاركة الأصلية كتبت بواسطة عاشق الأحساس احن لك وحنيني مثل طفل يالغلا مفطوم تعود من صغرسنه على حضن امه الدافي رضع من صدرهاالحب وجمال الفطره المقسوم بعد سنتين من عمره تكدرجوه الصافي غريرماعرف معنى الفراق ولوعة المغروم ولاكنه فقد له حاجتن ولغـيرها عافي ابي منك دقيقه بس تعطين الخيال الزوم وشوفي منظر الطفل الصغير في حضنهاغافي بعد معيا جسده الطاهر اصياحه غلبه النوم ولامنه صحى ينده يايمه هاتي الخافي تراني يابعد روحي مثل هاك الطفل محروم أهومحروم بامر امه وانا بامرالهوى الجافي لهيب الشوق مع قل الوصل يهزم عزيز القوم ولايقوى على جمره صميدع فكر وسنافي مقادير تغير في حياتي بين ليل ويوم وحبك ثابت في وسط قلبي والعهد وافي ربيع ايامي دنيايه بعد شفتك مطر وغيوم وعمري قبل احبك ياغلاي سنينه عجافي عرفت ان الحياه الها طعم يافرحت المهموم وتغنيت بحروف اسمك ورسمك زان به قافي عيونك في بحرها يغرق العاشق ولو يعوم وانا بمواجها طبيت كثر الشوق مجدافي برد هاك الثغر لامن تبسم لولو منظوم وتوت ياحلاته ماقطفه الغاوي الهاافي وجيد من عيوب الشكل ورتوش الزمن محشوم ومجدولٍ شبيه اليل الاسود فوق الاكتافي وعطر ثيابك الممزوج باريسي مع اليشموم بدون مجامله تعجز حروف الشعر ووصافي لانك فوق كل الوصف ياغايت منى المحروم تشوم العين عن غيرك وحبك يسكن شغافي ومهما صارمن دونك صحاري واوديه وحزوم على شانك قطعت البيد لو ان القدم حافي