يانجم ياللي ثابـت بدورة الجـر
رسمك بعيد ولو مدى الشوف زاره
كل النجوم اللي تجاورك فـي كـر
ذا بدل المنزل وذا اسع مـداره
اخترتك لنفسي نديـم علـى سـر
حتى عليك النور يرخي ستاره
سر على صدري غدى جيب بـزر
كلما سلى فكـري يعـود غيـاره
غيّر علي ماشفت من فاتـن مـر
هي نظرة وحده ..وقفـى لـداره
قفّى وحبه في حجى القلـب يقبـر
وغوّر محافيره ولاحط شاره
عزي لذاك القلـب لامـن تذكـر
يضـخ دمـه للعـروق بـغـزاره
يتلني تل مايـح المـا ليـا جـر
ارشاه والمظميـن تزهـم جـواره
ورع (ن)روى عوده من الزين وزهر
وورق وباقـي بس مجنى ثـمـاره
ترف مقل من لاحظه عارض تقر
وتلف كنها معصم(ن) في سواره
له مبسم(ن) يظهـر ورى حمرتـه در
علبـه بداخلهـا كريـم الحجـاره
اليا ضحك ترد العذارى على مـر
واليا حكى ضاقوا بغنـج العبـاره
يملك قوام (ن)يجـذب العيـن ويفـر
لب الثقيـل اللـي بعيـد قـراره
من مشيته ثوبه من الردف يقصر
يرقى كما يرقى القدم راس قـاره
وهذي عيون(ن)كن بطرافها طر
تفتح في قلب اللي لحظها سفاره
يهوزني بخنجـر لحظها وكبـر
يعيدهـا تـاره ..وتاره....وتـاره
امحصنن نفسي بصـدي وبصبـر
عسى يجيني من هواهـا طيـاره