تعالي عالجي جرحن على غيرك دواه صعيب
بعون الله يبي يبرا الجريح اللي تداوينه
لو انه من عنا الدنيا تغربل والزمان تعيب
سرى مع طلعة الجوزى على طيفن تخطوينه
هذاك اللي على شانتس وقف وقفة رجال الطيب
دخيل الله تعالي لين بعيونتس تشوفينه
تعذب يابعد روحي معذب مايبي تعذيب
عليتس الله وامان الله عذابه لاتزيدينه
جريح القلب لاجيتي بعون الله تراه يطيب
على شوفتس يطيب الجرح مدامتس تراعينه
تعالي بس شوفيني ترا شوفتس علي صعيب
احاول بس انا ما اقدر وشي انتي تعرفينه