/
كانو يعرفوا بعضن من زمان
هيّا صبية حلوة وهو شب ..
وقصة الحب اللي كانت بينهم قصة بسيطة ، زغيرة مثل طفلة عم تلعب بالريح
تمرق الحلوة ، وهوّا ورفقاتو يشوفوها ..
تسلم عليهن بطرف عينيها ،
يلمو النظرة ويخبوها ويعيشو عليها يوم اثنين تلاتة
تـ تسمح الايام ويلمو نظرة تانية
وبعدهن الزمان وماعادو شافوا بعضهون
بس امبارح كان رايح مشوار ولمح صبايا مارقين وكانت هيّا معهم ..
يالله كيف رجع الماضي بلحظة ..
وظهر قدامو مثل ورد الصيف .
/