ياليت الايام ترجع نفس ماكانت
عشان نفسي تريح من بلاويها
ايامنا السود ف(اخر)وقتناء بانت
والنفس معاد تلقى اللي يسليها
شان الدهر والليالي عندنا شانت
وشانت نفوس البشر ياصاحبي فيها
لو زان حضي ليال العمر مازانت
هقيت والنفس تتعبها هقاويها
النفس ياكم من اسرار الدهر صانت
هي حاجت(ن)في صميم القلب مخفيها
ماهوب انا بس كم غيري بشر عانت
اكيد عانت من اولهاء لتاليها
قسيت قلوب البشر وقلوبنا لانت
ولاعاد اميز بلينهاء وقاسيها
كان العرب للعرب ياصاحبي خانت
شف عزة النفس لوتنباع نشريها
ان كان هانت عسى وان كان ماهانت
باقي من اهل الوفاء ناس(ن)نخاويها
والحزه اللي ابيها من زمن حانت
وصيت نفسي ولا ادور موصيها
وعند النهايه هني الساجد االقانت
اللي يصلي الصلاه ولايخليها