هلا وغلا ود لو يجيني ولد راح اسميه دوق فليد والثاني قريندايزر والثالث عدنان لا وبعد راح اخلي زوجتي تتوحم!! على جريندايزر أثناء تشكل الجنين!! عشان يطلع ولدي نفس ملامح جريندايزر ماراح اسوي زي الرومنسيين اخليها تشوف مناظر وصور حلوه!! لا ابي عيالي كلهم زي الأشكال اللي انا ابيها هههههههههههههههههههههه قولي عز الله ماراح تتزوج على كذا عاد تبين الصراحه ود!! قريندايزر يستحيل امل منه ابد اكيد تستغربين؟؟ لأن كل إنسان تمر فيه حالة ملل!! لكل شيء لكن انا قسماً بالله مستحيل امل من قريندايزر ملينا من الحياة والشعر والواقع والواقعيه!! خلاص ودي اعيش مراحل الطفوله!! صدقيني ود!! الذكرى!! أجمل ضيف وهاجس للفكر!! تريح النفس لو عشتي عام 1404هـ ايام عرض قريندايزر كان عذرتيني كنت في ذيك الفترة تونا ساكنين الديرة حايل!! لأننا كنا بدو نرحل وننزل فسكنا الديرة عام 1400هـ بسبب الدراسه فقط لأخواني الكبار!! لكن بيت الشعر كان موجود والخيل والغنم والإبل كانت موجوده بعدها نقلناها للمزرعه الجديدة!! ولي موقف مع الخيل ركبت فرس عمي رحمه الله وعمري 3 سنين ووقعت على صفاة!! ولا زالت أثار تلك الطيحه موجوده في جبهتي ( جبيني) ومع ذلك لم نتخلى عن البر وعن اصلنا البدوي إلى اليوم وأمي لها غنم مع إبل خالي وكانت لأبوي سيارة فورد وكانت لوري!! موديلها 59 وكانت تشيل 6 بيوت من الشعر يعني كانت ترحل عرب!! بأكملهم!! لكن للأسف أهداها أبوي على صديقه وكان يضعها رمز للتذكار تلك السيارة!! ___________ ________ ____ _ ود الجوف شكلك تقولين هذا قص علينا قصة حياته لكن هي (الذكرى!! ) كما قلت لك أجمل ضيف وهاجس للفكر! ود!! ترى الناس اللي نرتاح لهم!! نقص لهم قصة حياتنا الوكاد نرجع للموضوع هذي اغنية قريندايزر العربية!! وهذي الأغنية الثانيه! ود الجوف لو رجعنا للواقع التربوي!! قريندايزر أفضل فلم كرتون !! فيه أخلاق وفيه حرب بين الخير والشر وفي الأخير ينتصر الخير بالإضافه إلى شخصية قائد قريندايزر شخصية في غايه الضعف!! و الرحمه والبساطة مع البسطاء لكن في قمة القوة أمام الأشرار هذا هو النموذج التربوي الذي نحمله لإجيالنا ياود الجوف ماهو سابق ولاحق وتوم وجيري وهالخرابيط من افلام الكرتون!! التي لا قصة لا فكرة لا سناريوا لا رسوم جيدة للشخصيات لا هدف منها لا منهج لا بداية لا نهايه ليست كـ عدنان ولينا وسندباد وجزيرة الكنز!! وجنقر والأفلام القديمه!! يعني على الأقل هذه الأفلام لها شخصيات لها مبادئ لها قيم _______ _______ أختم بأغنية قريندايزر العربية الجديدة