^}.{^ الا حبيبك لا تفكـر تـذله ^}.{^
خلاص انا قررت ببعد واخليك
مادام في حبي خضوع ومذلة
ابتركك لو صوت الاشواق يدعيك
وامحي الغلا من داخل القلب كلة
واطوي زمن حبك وصفحات ماضيك
دام الغلا ياصاح ماانت بأهل له
دور على غيري حبيب يهاويك
يقبل خطاك ويتحمل كل زلة
عنيت قلبي ياعسى الله يعنيك
عسى هموم الوقت دايم تباريك
ودرب الامل طول العمر ما تدله
وعسى الحزن ياقاسي القلب يرويك
ودمعك بعد فرقاي تبطي تهله
كنت امس غالي لكن اليوم ماابيك
ماابيك لو بعدك حياتي ممله
وخذها نصيحه في حياتك باوصيك
((" إلا حبيبــــــك لاتفكــر تذلــه " )) ! !