كيد النساء كيد النساء كيد عظيم
كيد النسا كالسيف لكنه اشد
احسب انا للفرح واحسب للنعيم
لكن حسافه حسبتي طلعت نكد
تبكي وتشكي دمعها واصل كريم
دايم انا الظالم انا البادي ابد
اهلها ما يفهموو منطق سليم
مهما شرحت اللي جرا قالو عقد
يا ام العيال الغاليه حالي آليم
والبيت ظلمه بعدما ضيك شرد
تطلب مطالب كلها صعبه جحيم
تبي تبي الخ الخ كله حسد
وليش جارتنا حرم عبد العليم
ذهب ملابس والعطر شنشل خرد
هذا المرتب افهمو ماهو مقيم
بيدينها يومين لاكثر وشد
من وين اجيب اللي تبي ماني زعيم
حتى ديوني معضله دايم اشد
والمشكله لو انها زارت حريم
تقعد تخطط ويل جفني لو رقد
تعبت انا ياهووه واعلنها عديم
لو قلت بسرق ما سرق عمي وجد
قارون لو مثلك تزوج ما يديم
ويمد يده راجيا جاره مدد
دايم تردد اهلها مطره وغيم
وانه ابوها شيخ واخوها اسد
بنت الشيوخ ادري واسياد القصيم
عالراس اهلك واغربي طااالق ابد
كيد النساء يا ويلهن كيداً عظيم
واللي معي تحرق مطالبها بلد