على شانك نظمت أبيات حبيبي صح موزونه
تعبر عن مدى حبي أتجاهك في قوافيها
ولبي منك سوا تقرا قصايد فيك معلونه
على أوراق الجرايد بس تمعن وش يجي فيها
حبيبي لاقريت اللي كتبته عنك وشلونه
توقع ماكتبت إلا شعور ٍ عنك مخفيها
حبيبي لو سألت القلب حياته منهي لعيونه
جوابه يابعد عمري حياته أنت ومافيها
حبيبي لو دقيقه غبت حياتي ماهي مظمونه
تشب النار في قلبي وقربك لي يطفيها
حبيبي من كثر حبك عيوني فيك مفتونه
يضيق الكون في عيني ونظره منك تكفيها
حبيبي لك عهد مني غرامك والله ماخونه
يطول الوقت أو يقصر ،، أحبك كلمه أوفيها