اقتباس المشاركة الأصلية كتبت بواسطة مستورالحارثي إذا كانت مراسيلي تسبب لك قلق وهموم=لك الله لاقطع ارسالي واكنسل رقم جوالي انا اشكي الظلم منك وتشتكي مني وانا المظلوم=وش اسباب الجفا حتى تشمت فيّ عـــذالي وانا من كثر حبي لك... لك الله مانسيتك يــــوم=وانا محتار مدري عاد كيف ارضيك يا الغـــالي اذا يرضيكي ارحل من حياتك والقدر محـــــتوم=ابرحل والحياة بطبعها حلـ (ن) وترحــــالي عسى لا من رحلنا عنك ..يصفا العيش لك ويدوم=وتسطع نجمتك في عالمك في غيبة اهلالـــي وبتناسى غرامك واعتبرك بعالمي معدوم=وبعد اليوم لاذكرى ولا تطري على بالي وانا يابنت في عرش الكرامة منزلي معلوم=وساسي ساس عز ومعدني من جوهر(ن) غالي أنا برحل وعيشي... بالتغـــــلي ماعليكي لوم=واعيش بوحدتي مرفوع راسي شامخـ (ن) عالي برغم ان الرحيل اقوى بقلبي من طعون اسهوم=ورغم ان الفراق اكبر مصيبه ياهوى بالي ولكن ويش اسوي يوم اشوف ان الوفا معدوم=وسلمني حبيبي للزمان ولا رحم حالي فلا لي حيلة الا الصبر والتسليم بالمقسوم=مدام ان الحبيب اللي رجيته خيب آمالي رحيل ولا مهونة نفس في حبـ (ن) ختامه شوم=بعد ذابت سلوكه وانخفض تياره العـــالـــي مستور محمد الحارثي ياسلاااااااااام عليك يامستوووور وصح لساااانك حتى ترضى أبدعت وأمتعتني بقراءة الشعر لاهنت تقبل تحياااتي ومروووري