ياضيقة الخاطر اول عندنا جاره
واليوم صرتي حليله من هل الدار
من اول اسمع علومك بآخر الحاره
واشوف وسمك بوجه الصاح والجار
واشره على اللي يولع صدره بناره
لين انكوا جوفي وجربت انا النار
من قال لك شني بصدري مية غاره
لين اصبح الصدر مدهالك مثل غار
النفس ضاقت وسدي باحت اسراره
ياكيف اخبي همومي وادفن اسرار
والحزن فيني تشعب كون انهاره
يجري بدمي مثل ماتجري انهار
واصبر واصابر عليه النفس صباره
وهذا غِنا عمري اني كنت صبار
الله يقصر مدى همي ومشواره
لو كانها قد خذاني منه مشوار
يضويني الهاجس اللي يشعب ابكاره
ويصبح معايه ينوخ حيل وابكار