ماهو ضروري احترق فيك وادفا
لكن ضروري تحترق بي وادفيك
دام الوطن قلبك وباالعين منفى
ابعترف لك صرت انا ضايع فيك
ضايع ولا لي بالمخاليق ملفى
وشعري لقى نفسه بروعة قوافيك
مااريد جرحي بين اياديك يشفى
يكفيني ان اسمي جرى بين اشافيك !!
جيت ارتجيك وصحت بالصوت تكفى
ماابي ديارك بس عطني منافيك
الخافي أعظم مدري الأعظم اخفى
ريحك عصف بي واوجعتني سوافيك
مثل السفن لاغادرت دون مرفا
تايه وجيتك وين ابالقى مرافيك
متى تحن ونهر الاحباب يصفى ؟
ضامي ولا لي حق في شرب صافيك
من علمك تقسى وتهجر وتجفى
ما شفت حالي من دلعك وتجافيك
مشيت لك وادري بالاقدام تحفى
حاولت اشبك والليالي تطفيك