في عز حاجاتي ، وضيقي ، وهمي
مالي سوى حضرتك بعد الله ..أقول
أجيك أداري.. الدمع في طرف كمي
من خوف قلبي .. لايحس فيك مذهول
وقول: أنا ضايق .. وضيقي يزمّي
وترد .. (يامحمد) ترى الحين مشغول!!
لو كان فيك أحساس .. وقفت يمي
من قبل لاشكي .. مابدى داخلي يجول
بحات صوتي .. واضحة وسط فمي
ومخارج حروفي .. تلعثم بها القول
ماهي بالحية شغل .. فوّرة دمي
زود ٍ على ماهو .. من الغل مغلول
كنت أحْسبك ترفق علي .. وتسمّي
تقرا علي طه وتبارك .. على طول
لكن حسافه زاد همي .. بغمي
من صار عذرك .. يدبل الكبد لحول
عذرك ردي .. ماني من اللي يذمّي
راجع ضميرك .. وسأله شوف شيقول
قول الصراحة .. لو تعل و تسمي
أدري ضميرك حي .. صارحك بالقول
خذها نصيحه .. مني يفداك همي
درب الردى لاتسلكه .. مع ذوي عقول
واليوم لو تنزف .. جروحي وتدمي
مالي سوى ربي .. ولا بعده أقول