يالله اللي رحمته عدت حدود المستحيل
صبر القلب الحزين اللي فقد نبع الحنان
رغم طول الوقت مابين القصيده والرحيل
اشهد ان القلب يفقدها ولو طال الزمان
لا تلوموني ترى اللي فاقده ماله مثيل
ودي أسعد في لقاها واطلق لحزني العنان
واتمنى شوفها دايم صباح وكل ليل
كل يوم أشوفها حتى ولو بعض الثوان
اعذروني والله اللي فاقده ما له بديل
احمد المولى على حكمه عظيم وله شان
يالله اجعل قبرها روضه من الجنه ظليل
وفي جنان الخلد نتقابل واشاهدها عيان