حذر من اللي يقلبـون الموازيـن
ويناصـرون الظلـم للماكريـنـا
تاج النقا مازحزحه ظلم طاغيـن
ولاتهـزه هـقـوة الصاغريـنـا
للظلـم بياعـه وللظلـم شاريـن
والحق ضـاع ولالقـى منصفينـا
القلب الابيض عايشٍ جوف مسكين
وسود القلـوب بغدرهـم معتلينـا
يكذب ويعطيك الحجج والبراهيـن
كنه على الباطـل مـن الفايزينـا
ندعي من الله والمظاليـم داعيـن
يكسر عصا اللي للبشـر ظالمينـا
ما يدري انه هالكٍ ضمـن فانيـن
ولسانه وقلبـه مـن الشاهدينـا
وكلـت ربٍ وكلـوه المنـاديـن
في من ينـادي بالظليمـه علينـا
أنا اللي أصلي من أصول العريبين
والخبث والباطـل بكـم لازقينـا
ندري بما يجري وبالغدر داريـن
وابليس واعوانه غـدوا عارفينـا
الله حسيب اللي من الحق ناسيـن
ادعوا على اهل الشر ياسامعينـا
نبقى على روس المعالي سلاطين
والراس يبقـى فـوق ياجاهلينـا