البارحه يوم كلٍ نام ضايقني
شئٍ طرالي ونفسي حيل ضايقها
طراء عليه غيابك يا مفارقني
ما تهجع العين وأنت اللي مفارقها
وناديت بالصوت أنا مشتاق صدقني
مشتاق لك قلتها وأرجوك صدقها
يازين ..لا ..لا..تخل الهم يرهقني
روحي ليا غبت كثر الهم يرهقها
فديت روحك عليك الشوق محرقني
بغيابك النفس طول البعد محرقها
تعالي القلب يسأل عنك وأقلقني
قلبٍ سكنتيه روحي حيل مقلقها
لا تتركينه دخيلك جاء يسابقني
عقارب الوقت من شوقه يسابقها
يابنت الأجواد ربي فيك علقني
في حبك الروح رب الكون علقها
متى ألتقي فيك وأفراحي تعانقني
وأصعد على قمة الدنيا وأعانقها
وأودع الهم وجروحٍ تضايقني
والنفس ترتاح من شئٍ مضايقها