قال الوداع وقلت لاتقفل الباب
بعدك حبيبن كلمتي له مطيعه
اذكر ليالينا وانا عادني شاب
واليوم خطوات المنيه سريعه
خليتني واقفيت ماني بطلاب
ابغا العوض يابنت ولا القطيعه
لاهنت ياجرحن قديمن ولا طاب
خلاص انا ضاقت علي الوسيعه
يعني سهم حبي رميته ولا صاب
درب المحبه كل عاشق يضيعه
بايع خويَه عند الاجواد منعاب
خذها ترا من باع خله يبيعه
اوهمتني واثرك مع الحب كذاب
واصبح خبرنا كل موجز يذيعه
للحب ساعه عانها تطرق الباب
وتقول للفرقا كوارث شنيعه
قلت اقربي لوهي بها قطع الارقاب
ماني بهايب لسدود المنيعه
مادام خلي غاب والطيف ماغاب
ودعتك الله روح له ياوديعه
لاهنت ياجرحن قديمن ولا طاب
خلاص انا ضاقت علي الوسيعه
والساعه الي فرقت بين الاحباب
حانت ودارت والثواني سريعه