الحزن شيء عادي على مُر الأهوال
شعور في الانسان ما خذ سيادة
وما فيه غير الصبر في كل الاحوال
الصبر مفتاح الفرج والسعادة
هذي هي الدنيا وهذا هو الحال
غبن ومتاعب وإنتكاس وقرادة
يومٍ يكون الحال مزيون يختال
ويوم تتجرع كاؤوس النكادة
ويوم من زود البلا حملك جبال
همٍ وغمٍ .. كن حولك أبادة
تتكالب الاحزان والقلب مدهال
مَعلم لمن يعرف أصول الأرادة
خلك شديد البأس لو كنت رجال
ولا يعجزك حزنك وتتبع فسادة
الحال يتغير ولو زاد او طال
ويا زين طعم السعد بعد أفتقادة
محال يبقى حال على حاله محال
كم فارسٍ سّلم لكبوة جوادة
هذي هي الدنيا معاناه واعمال
اعمل لموتك قبل يومك وزادة
هناك تلقى السعد في قصرك العال
وتهنا بفوز الله وجنة معادة
طوبا لمن في غيرها عاش رحال
حول الجنان وحول دور العبادة
وكثر من التسبيح ورطب بما قال
لسان حاله لجل يهنا حصادة
وهل يكب الناس في النار بأغلال
الا حصاد لسان خاسر مرادة
ما ينفعه كثر الحكي وزن مكيال
الا الخفاف اللي ثقلهن زيادة
الحمد والتسبيح يا طيب الفال
أثقل في الميزان وأعظم أفادة
سبحانك اللهم يارب .. الانفال
أختم لنا الدنيا بنطق الشهادة