شفني فـ غيابك اشرب الهم والشوق
وأرجع الملم لك حروفي بــ ـكتابك
القلب .. من لوعات فرقاك مخنوق
فـ ـاكبر جريمه في حياتي غيابك
انسى يهز القلب في الحب مخلوق
لاني رضيتك لي وقلبي رضابك
بـ آغفى على صدرك حبيبي ولا افوق
واقتل ربيع العمر واحيي شبابك
واسهر على راحتك يا حالي الذوق
وانثّر افراحي على جال بابك
ما دمت انا وياك عاشق ومعشوق
بـ آحقر عذولٍ في غيابك وشى بك
لا زلت لك ع العهد .. والله ما ابوق
بـ آترك قراح الغير واطرد سرابك
الى ذكرتك ساعة الضيقه .. آروق
اصيح لك بالصوت .. ارحب .. هلابك
لو ان قلبي بين الاضلاع مخنوق
من فرحته .. ينزل يقبّل ترابك