[ملكة الخواطر]

اقتباس المشاركة الأصلية كتبت بواسطة ((رمزالوفاء )) ((أنا أحق بحنانه)) أنا أحق بحنانه واقرب بقلبي لذاته أنا انسحرت بجماله في نظرته في دلاله وله في الحشى حب مخصوص قلبي وقف في مكانه أعطى واخذ من حنانه لأكن بصدق وأمانه في دنيتي له مكانه له في الحشى حب مخصوص هو دنيتي هو غناتي هو غايتي ومنياتي لو غاب لحضه أحاتي وشعر بخوف بحياتي وله في الحشى حب مخصوص قرب وخل الليالي تعطي لنا الحب حالي يا ثروتي يا حلالي يا حلم غالي صفالي لك في الحشى حب مخصوص تحياتي ..

يا لها من وقفه جميله

تدل على روعة الوفاء

وصدق المشاعر


إسمح لي بهذا الرد المتواضع

والذي لا يرتقي لجمال ما ابدعت اناملك

وطرز فكرك الراقي

(( نبض الوفا ))

يا أجمل اللي معاي
يا أوفى أيامي ومناي
لك دنيتي يا دنيتي
ليتك تظل دايم معاي

نبض الوفا يا عاشقي لعينك يجود

إنت المسافه والطريق
إنت الغلا وأصدق صديق
إنت الزمان اللي بقى
يكبر إذا الدنيا تضيق

نبض الوفا يا عاشقي لعينك يجود

سولف عن إحساسك وقول
مهما الهوى فينا يطول
يا سيدي كلي معاك
سولف ولك قلب ٍ خجول

نبض الوفا يا عاشقي لعينك يجود

قلبي معك دايم يبيك
يا عالمي مالك شريك
إنت النظر يا غايتي
وإنت الذي قلبي يجيك

نبض الوفا يا عاشقي لعينك يجود

ماهي إلا معزوفه متواضعه لحضورك الرائع

تقبلها مني ولك كل الود واجمل باقة ورد