تعـال نجمـع شتـات الليـل وإنلمّـه ...
أبطيت و إ/هْنَـاك نجـمٍ ضايـع إ/بدونـك
الليلة إ/دروب غربة .. وحـدةٍ جمّـه ...
واللي مشاها حفى.. ماصـادف إ/عيونـك
زرع لك ارض السهر و اسقاه من دمّه ...
والشوك طَلْع السهـاد إ/بجفـن مضنونـك
الصبر فيني وصل بـي آخـر الهمّـة ...
حتى خفوقي عزف لـك آخـر إ/لحونـك
إلحق و نطلـع مـدار الليـل للقمّـة ...
نوّر لي البدر درب إب/كامـل إ/وجونـك
وأجي لك إحساس بالتفصيل .. وأضمّه ...
في خافقي وأختصر بالنبـض (مجنونـك)
سعادتـه دام كـل الليـل فـي همّـه ...
تضفي على ضيق بالـه بلسـم إ/سكونـك
تعال وإجمع شتاتي من طـرف كُمّـه ...
في طرف عينـك وأجـي كلّـي يلبونـك
قبل الفجر يضوي الأنـوار وإ/تعمّـه ...
و ا/تذوب باقي الشمـوع اللـي ينادونـك