بقولك هرجي وابي تفهمه زين
وكد قلتها وبعيدها ياظنيني
ماأرجي انا في دنيتي غير شيئين
إرضاء والديني وشوفك بعيني
ماهمني لو كاهلي يثقله دين
وماهمني لو البشر ماتبيني
وماهمني لو فارق القلب غالين
وماهمني لو حاربتني سنيني
وماهمني لوطحت من حظي الشين
ولا من الدنيا تزايد ونيني
وماهمني صدمات ناسن قريبين
امنتهم بس للاسف خاينيني
وماهمني هرجن تقوله مساكين
حطو علي هروج ماهيب فيني
وماهمني عداوني اللي مقيمين
حولي وكلن شال سيفه يبيني
صدقني اني اسعد انسان يازين
مادمت أشوفك ومرضين والديني