البارحه في هاجسي حب واحباب # واليوم راحو كن مالله خلقهم
راحو وصار القلب من بعدهم مصاب # جرحاً كبير ولايعالج مرضهم
مايعالجه غير ابو عيونً لها اهداب # اللي بنضراته عيوني سحرهم
ابو مبيسم من ورا مبسمه ناب # اللي الى مني ضميت ارتويهم
هذا علاجي يابعد كل الاحباب # هذا شفاي وعلتي من هواهم
ومن بعد فرقاهم ترى الراس قد شاب# من هاجساً ولع بقلبي عليهم
وانا دخيلك وانت لي طب الاطباب# انت الشفاء وانا مريض بهواهم
وان كان لي رافه والي عندك حساب# ارحم وليفك واشفني ياقمرهم
ارحم وليفك لاتخليه مرتاب # خله يعيش بدنيته في رغدهم
خله يجدد كل مابدنيته خاب# ونجدد اللي مافقدنه منهم
الشاعر: سليم خليف الفريدسي
حقوق الطبع والنشر محفوظه