اقتباس المشاركة الأصلية كتبت بواسطة متاابع شفتها وهز الهوى غصن الفؤاد=وانفتح من هزته باب الوداد آية ن أبدع بها رب العباد=تخطف قلوب البشر وأعقولها قمت اطالعها وفعيوني سؤال= هي تقول لي ابتعد والا تعال أخزرتني وحرّكت رمش وهلال=بغمزة ن أثر علّي مفعولها أرتبكت مما جرى وبغيت اطيح=الا طحت ان كان تبغون الصحيح ودوك قلبي من سهم عينك جريح=ثم رميت القلب تحت ارجولها قال روفي وارحمي قلب ن هواك=ماخفق من خلقته لاحدن سواك لا تخلينه على دروب الهلاك= وبمشاكل يصعبن احلولها أضحكت لي وقالت أركد ما عليك=ما حضرت الا وانا مثلك أبيك هّد روعك واشبك ايدي في يديك=المحبه عارفين اصولها هو صحيح اللي سمعته أو خيال=اب سهوله أمتلك صعب المنال ياشبيه الريم ياعنق الغزال=ياهوى نفسي ويا مأمولها أحلفي لي واصدقي ما تغدرين=وأبفؤادي ماتبيعي وتشترين خايف ن عقب المواصل تبعدين=ثم تضيق الأرض عرض وطولها أحلفت لي تحفظ الود وتصون= عهدنا مهما جرى مهما يكون ويا عسى ربي يجازي من يخون= هي قالتها وقالت قولها قلتها والقلب رددها وراي=وابلحن غنى فؤادي ياهناي واشرقت شمس السعادة في سماي=غيم حزني مستحيل يطولها قلت ابي ضمة دفا ضمة حنان=فاقده واللي خلقني من زمان قالت ابشر يابعدي المطلوب هان=وارخت بغنج ودلع مجدولها وبين ضّم وبين شّم وبين لّم=واستح استح خل فيك شوي دّم وشيّ ن يذوّب جلاميدن وصم=رشفة مثل العسل معسولها ماوعيت الا اللي يصرخ قوم قوم=الظهر أذّن كفاك اليوم نوم أثرها ماجت وجابتها الحلوم=لا هي بحولي ولاني بحولها وسلامتكم ,,, بس خلااااص الله ... الله ... عليك يااامتاااابع ... صح الله الساااااانك ملاااييين يالذيب .. تسلسل وتماااسك رهيب ونهاااايه ولا اروووع منها . لا عدمتك ... تقبل تواااضع مروري .. وخااالص تحيّتي دمت بووود ‘‘‘