وين شوق التلاقي وين لحظه جنونك
وين ورد تفتح من رياض ابتسامك
وين قلبك وفكرك وين سارح بكونك
كل شي فيك يدعو للتعجب علامك
ليت يا نور عيني ما تصدق ظنونك
في عشير تهمه راحتك وانسجامك
في عشير شؤونه يا حياتي شؤونك
عاش منك ولجلك وافي بالتزامك
كيف أنساك واقدر يا حياتي اخونك
وانت بالقلب واحد ماني كني غرامك
تعتقد لو جفيتك أقدر أعيش دونك
وانت نبضي وحسي خاطري مستهام بك
اطلب الله ربي يحفظك لي ويصونك
واعرف انك في قلبي ما لغيرك مقامك