السلام عليكم
صباح الخير
هذي أول مشاركه لي وانشاءلله تحوز على رضاكم
ألا يالهبوب البارده عجّلي هبّي=على جاش من قامت هواجيسه اتلوبه
أنا مرةٍ أصحى ومره يغيبّي=وأسرح معا كثر الطواري بغيبوبه
ألا يازمن ماهو بحقٍٍ تلاعبّي=وخليتني لمقرّد الخلق لعبوبه
اعبادٍ مغفّلها الزمان وتعجبّي=يحسبون قل المال فالرجل عذروبه
وأنا قانعٍ باللي علي كاتبه ربّي=ومومن بمقدوره وقانعٍ بمكتوبه
ولا أبغى عما الارياء برايه يجربّي=وهو ماعرف ماجوب ربّي وماجوبه
هذور المجالس راعي المدح والسبّي=وهو بالخلا لو جته بنتٍ خذت ثوبه
يقولون لي جز من تصرفك وتحبّي=وهي توبتي من مجتمعهم هي التوبه
ديار الوباء من طبها راح متوبَي=وقرابة الجرباء على الحول مجروبه
أنا عارفٍ منصاي إلا من بدا نبّي=وعارفٍ طريقي والذي باتجه صوبه
وانا اعرف من أعادي وانا اعرف من أحبَي =وبه ناسٍ لاتعرف ولاهي بمحبوبه
سعد بن جدلان