الله عليك اقولها عشر مرات
وان كان تبغا زود مليون مره
على جمالك لو تطالع بنظرات
تفتن قلوب الناس مليون حره
ما فيه مثلك يشبهك انت بالذات
لله در الزين لله... دره
صوتك حبيبي ما يجي مثل الاصوات
وشكلك يغير بالكيان ويفره
حيرتني وشلون ارتبك بابيات
وعذبتني في زينك اللي تجره
الله على روحك ونفسك وبسمات
ليا من ضحكت اتدور معك المجره
كن النجوم تداعبك بالسموات
وكن الكلام يلاعبك ويتشره
الله عليك من الحسد والحكايات
والله يعين أقولها مليون مره