رغم التعب والتناقض منزلك عالي
لو كنت في خطوتك تكثر تعاريجـك
عنيد لكن عنادك حيـل ..يحلالـي
ولو كان للعند تاج اعلنت تتويجـك
لكن ترفق وشوف وجيه..عذااالـي
تفرح..تايد صدودك لي وتحجيجـك
يكفي تشوف بعيونك ثوبي البالـي
اللي تمزق تحت قسـوة كرابيجـك
حزيـن رددت للاحـزان مـوالـي
وانت إتغنى فرح واسمع اهازيجـك
لا زلت احبك..ولكن وعد..يالغالـي
لابد..اوقف دعاباتـك وتهريجـك
وإن كنت مهر ..ولا روضك خيالي
جيت وعلى جثتي عسفك وتسريجك