[العـ راعي ـليا]

اقتباس المشاركة الأصلية كتبت بواسطة نايف الشريف بعض الوصوف أعّبَر من الشوف للعين=وصف المِز َايَن ْ ريم والا قماري؟ لا قلت وقت ٍ تاصِله قلت هالحين=مابه صبر فالليل ولا نهاري القلب الاخضر مِنوته شوفة الزين=لا مَرْ والا جاني حزة عصاري ياكره عشّاق الهوى قول بعدين=يمرض ولا فاده حكيم إستشاري يازين وصل الحب بين المحبين=كِنه مِطَر يالغيث تروي الصحاري لاحاجة ٍ للطب والا المداوين=مادمت مع معشوقة القلب ساري يانسل شمّر جتك بعض العناوين=وانته اظنك جيت بالعلم داري جبت الوصوف وليه ظلم المساكين=يا طاري ٍ راحت وراك الطواري سجيت يوم إن المخاليق ممسين= وش حيلة اللي بالمشاوير ضاري يافلان انا حبيت من عام الالفين=حبيت بنت ٍ تنزل إفـ . دار جاري كان الفـَـرَح بالعَد من عـِـد شهرين=من يومها قد شب فالصدر ناري بنت ٍ بِكَتْ ياكيف يابنت تبكين=ترسل رسايل ماني للخط قاري مهرك عَرَفته قيل بالعد تسعين=شال البضايع منهو بالنقد شاري جاني الخبر من قبل يابنت تدرين=من خنقتي فكيت سرعه زراري قلت الهوى عشقي ويابنت تكفين=صدي عن الخطّاب صد إختياري محد ٍ جِبَرك وليه يابنت تقفين=ياكيف خط السير ضيّع مساري هذي حياة ومختلط زين مع شين=أيام دارت تختلف فالمداري يانسل شمَر جبت قاف ٍ بتلحين=مجنون غنّا وسط ذيك البراري

اقتباس المشاركة الأصلية كتبت بواسطة فــهــد الشمـري أهلاً هلا يامرحباً فيك واهلين= يابن الشريف الطيب فيكم شعاري هاضة قريحة ثم بنظم ابيتين= من موقف ٍ ! ماني بوصفه اماري شلت القلم وبديت أكتب بسطرين= ماكنت أظن أنه على الروح باري بحثت داخل معجم الجيم! والسين!= ابحث عن الشعر المسمى حضاري مافيه ابد بالوصف غير البداوين= هم الذي بالشعر سطوة حراري اصبر انا ياناس قولوا؟ إلى وين؟؟= وين الذي بالزين فيه افتخاري قبلك يانايف هاض كل المغنين= الحب بلوى.. والهجر مايداري والصبر مفتاح الفرج للفهيمين= وطول الصبر يعطيك عزم اقتداري ياعل رب الكون للصابر يعين= اللي علم ما بالبحر والخباري اقولها والحب يطعن بسكين = وطعن الهجر.. فيه الدمع بنهماري ولهيب نار الحب تشعل بجوفين= للبنت والرّجال فيها استعاري حكم الغلا ياناس مقسوم لـ ثنين= لكن بقدر ضرف فيه انتظاري ومن لا يقدر ضرف بنت الكريمين = مافيه خير ولا بشخصه وقاري وطول الغياب.. يثير بالقلب شوقين= شوق السمع ثم شوق شوفة (عذاري) والحب مفتاحة بحكم القوانين= راح انتظر بالحب وهذا قراري وباقي على نهاية القاف قافين= ولا يتعبن نظم الشعر بالدياري لكن على اي حال ننظم وماشين= وبكشف خفايا النفس بزيحة ستاري ايوه نعم ما احنا عن الحب سالين= والشعر عندي له عظــيــم اعتباري والختم يانايف يابن العزيزين= بهديك حرف ٍ فيه زين الحواري