للحزن في صــدري حوابيط وعذوق
يروي تفـــــــاصيلي .. ويثمر قوافي
مليت اردد شعري بصوت مـخنوق
وجفن الأماني ف المسافات غافي
مرات أقول ان الشعر سبة الــــعوق
ومــــرات اقول انة خوي ســــــنافي
مر السحاب .. ولاح في صدره بروق
وانا سنيني تشتكــي من جفافــي
انا الضعيف اللي من الطين مخلوقــ
وانا الحزين الي جرحـــة التجافـــــي
لا تطول الغيبات ياحـــادي الشــــوق
والله ماني من جفـــــــاكـ متعافـــــي
البال .. من برد الهواجـــــيس محروقـ
وسمر الليالي .. مالها حضن دافيــــ
وطيفكـ يساومني على دمعة الموق
والدمعة اصغر من سموم الخــوافيــــ
جيتك معي قلبي وعمري فـ صندوق
امشى وسط صلف المقادير حافيــــ
مالي على الغالي مشارية وحقووق
ان كان ماهو بالاحـــاسيس وافيــــــ
عــذرك معك من غبت ياحادي الشوق
عــذرك سمين .. وعذر شعري جفافي