المرجوج: هذا ما عمره صلح شيء في حياته مايمديك تفتح ثمك إلا طار في العجة مايفهم وش الساالهة!!! والارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة وليس نتيجة روعه.
المطفوق : من فصيلة المرجوج ...... إلا أن مايميزه هو انه اذا مر من عند كاس أو جيك أو ابريق أو اي شيء فيه ماده يائله لازم يكبها (أي يسكبها) برجله وهو ما يدري !!! ولا تخليه يمر بجنبك وانت معك صينية فيها بيالات لأنه لازم يصقعها بيده أو بككتفه ..!!! لاتخليه يصب قهوة لأنه لازم يكب القهوه على ثوب واحد منهم!!
الكحلي: يطلق مسمى الكحلي على ذوي البشرة السمراء ولأن ذوي البشرة البيضاء مساكين ماعندهم لقب احتجو عند الأمم المتحدة
القعيطي: هو الشخص البخيل للغاية ويسمى أحيانا الجلدة وقد نشأت القعيطية على يد القعيطي الأكبر قاعط قعيطة المقعط وتبنى نهجه بعده تلميذه تأبط قعطاً وقد سمي بذلك لانه كان يخبىء أمواله في إبطه ويقعط عليها بكل حزم وشدة...
السربوت: هذا اللي مايخلي مكان مايروح له وقد كان الأولين يطلقون لقب السربوت على من يشرب التتن...
لكن الحين الله يخلف الناس تدخن بيديها وبرجلينها ولا أحد يقول لهم شيء.
السمرمدي: وهو من نفس فصيلت السربوت ... ولكنه اكثر تعقيداً.
الداشر : هذا قليل الأدب ولا يحب يماشي إلا السرابيت ... وإذا قيل فلان دشر فلان أي خرب أخلاقه.
الملكع: أما هذا فيعرف حتى السكن(اي الجن) ومقطع السمكة وذيلها ومهاما تحاول تلف وتدور معه تراه فاهم وعارف وش تبي بالضبط