[مبدع الحرف]

تكفى حبيبي كان باقي مودَّة
خلَّ الفراق يكون بيني وبينك
أخاف قلبي لادرى وشْ يردَّة
مسكين توَّه يشتكيلي حنينك
خلَّه ترى مسكين مافيه شدَّة
تحمَّله مره عسى الله يعينك
تدري قبل يومين والهم هدَّة
ماله سوى طاريك يقول وينك
ويقول لاجاني حبيبي بصدَّة
وتدريبه إنَّه قبل مدّت يمينك
ينسى الزعل ويجيك ويمدّيدَّة
ويضيع حقه بين نظرات عينك
مسكين جاه الموت وهومايردَّة
راضي بموته مدام إنَّه بدينك