مابين تـــــوت الشفايا واحمرار الخدود
وتلميحــة الجفن لاذابت بــــه المسكره
من قال للصمت لازاد الحكي لايســـود
يقول للـــــصوت مابة فجر يشـــبة مره
يامشعل الشمع مابين اللقاء والصدود
يامــطفي الجــوع لاتــــزرع لجرحك ذرة
لاتحسب الريح صـــــورة تحملك للوجود
ولا تحسب الشوق غلطة تنتظر معــذره
لو ذاب صوت المطـر على غياب الرعـــود
ماحن صدر الضماء لحروفي المدبـــــــره
ولو كان عادي نسافر لاقدرنــــا نعــــــود
سافرت لك بين طعم العيش والمقبـــره
شفني امد المسافة وماوصلت الحدود
وشفني احد الوصل من شان مستنكره
لوكــان عادي غـــــــلانا امتلينا بـــــرود
ولو كان عادي عتبنا ليش تســـــتكثــرة
افهم غلط بس تكفى لاتحد الـــــــردود
شفني هنا فكر ضايع بـــ ارض مستعمـره
اقــــــل ماكان فيـــني كلمتــــين وورود
لو تذبل اغصان قلبــــك بيعني واهجـــره
********************
ديرة سقوف اهلها متجرده بالجروح ........ واقدامهم مدمية بين السفر والمشـــــي
واللي على قلبي احسه يجي مايروح ......... مابين بسمة شفاته لين حد ارمشــــــي
************************
هالحين يعني كــــل ماقلت عـودي ........... قلتي من اين آعـــود والعمر تــــرحال
كنك نسيتي ان ابونــا سعـــــــودي .......... وان امنـــا نـــامت على دمــــع الاطفـال
**************************
احبك من صباح الله طفل ماوده وده
يبي يرسم بصدرك بس مشكلته في ايدينه
ترفق بي دخيل عيون موجك يابحر جده
تعال وضمني مثل الفجـــر والليل بعدينه
****************************
لك بعض الاحيان شو بدك ومابدي
ابيك كلك بفرحـــة طفل بعياده
اقول لك اتركي هالحزن بيـــــعدي
مليت كني حزن وعيونك بلاده
*************************
الفراق :الـــم واحساس ووثلاث اوراق
الاوله مكتوب فيها للعراق
والثانية : لو غبت لك اشتــــاق
والثالثه : انسان ناجح ( بس معاق !!!!!)
**************************8
هارب من عيون يمكن تشبة عيونك ........ لوين ابهرب : لاي انسان يحويني
طيب وانا : قلت اعيش العمر من دونك ...... يمكن احس بوجودك كيف يعنيني
****************************
رهيف قلبك بس ياقو عينك ............ ترمش بدون احساس وتقول غافي
خذني حكاية ماتفارق يدينك ............ واكون لك خاين يدور لــــوافي
*****************************
قيدتني بين يمكن او بعد يمكن ........ واطلقتني بين جنحاني وانا ما اطير
ارحل من الريق وانته يالضماء تسكن ..... مابين تمسي علي لين تصبح على خير
*******************************
حي لكن انت من مليون ميت ............ وانا ميت بس من مليون حي
كل ماقلت الظلام الشمس عيت .......... وكل ماقلت الجفاف القاك مي
******************************
به يزين الليل ويزين الصباح ........ وبي يسافر واصبح الخاطر خلي
به شموخ الشمس وشموخ الرياح ...... وبي ولا حاجه ولا تسئل علي
******************************
هنيالك قدرت تبعثر حروف الشعر والقاف ..... وانا لوجيت احاول يمكن اكسر حلم بضلوعي
يد الجاني ياعمي ماتصافحها يد السياف ....... وانا مديت دربي وانت تسألني عن رجوعـــي
*******************************
يسج عالمك بين الشمس والفية ......... واضيع بك ليل يامطول تعابيره
خذني عذر للغياب وامسك ايدية ......... تكفى ترى كل زلة منك لي خيره
********************************
هي تختلف عن باقي الناس في شي
هي شي غير وباقي الناس ثـــاني
وشلون اشبة قلب ميت مع حــــــي
هي قلب حي ومت انا في مكـــاني
*********************************
ينفع نكون احباب وشفاة الطفوله امنا
من يوم ماتصرخ علينا نرتمي بحظن السكوت
**********************************
قصاصات من اوراقـــــي