[سطآم]

ونعم في كل القبايل ولا تهون

أعطو الأشعار يا شعار هِمّه=شدوا المرفوع حدوا كل طايح
بالحروف إللي لها شده وضمه=جيلنا يارث ثوابت جيل رايح
كل شمّر خال وبناخي وعمه=جسم واحد صب ما قسم شرايح
والمجسم يحتوي عظمه ودمه=ما يهزه كود ياقسم صفايح
شمّر إللي كلها روسٍ بقمه=السناعيس الطنايا أسلم وصايح
كلها ريح الفخر للي يشمه=من بساتينه ورود الطيب فايح
سلسبيلٍ نبعها ما غض جمه=من نهور العز ما مده شحايح
ما يفرق جمعنا باسباب نمه=في عرين أسباع ما نسمع نبايح
كم شلعنا ناب باقي فيه سمه=وكم نبذنا الحسد يا راع الفضايح
في قيمنا نعطي الموضوع ذمه=من يقيم الدين يعطيبه نصايح
ومن تكلم بيّن الحكمه بفمه =يا وزنت العقل يرجح له رجايح
في زمان الصوت نبغي صوت لمه =بالمخيله شوفوا البراق لايح
بالقناعه تتقي شر المطمه =ما يرد الفوت نوحة كل نايح
ما تقاس الناس بشكاله وكمه =كلنا بعيون والسنا فصايح
الغنايم ما تجي خطوه وخمه =والأوايل قالو الناس الربايح
شوفوا المنشاء مزونه مدلهمه =واقعٍ ملموس ما فيها مزايح
وحدوا بالدرب راية كل يمه =عارفين الجد ما يبغى مدايح
يا تعلا صوت قولو صوت تمه =دام فيه الخير نامل بالنجايح
قدموا من صم علم النفس صمه=وإتركوا كثر اللوايح واللوايح

سطام الشمري