عرض مشاركة واحدة
قديم 26-04-2003, 01:57 AM   رقم المشاركة : 1
Goot Al-Goloob
( ود جديد )
 
الصورة الرمزية Goot Al-Goloob
 







Goot Al-Goloob غير متصل

اتحداكم...احد يقدر يقاوم اغراء الانثى؟

مين يقدر يقاوم اغراء الانثى ..؟؟
مين يقدر يقاوم اغراء الانثى ..؟؟

قبل ماتقرا .. انا اتحداك تقاوم الاغراء اللي حصل لأخوك بالقصة هذه .. !!



لحظات نادرة بتقراها بالقصة .. ماعمرها صارت حتى بالأفلام .. تصدق ..؟؟



صدقني بعد ماتخلص القصة بتقول:

ياليتني انا اللي كنت مكانك .. !!

ياليت اللي حصلك حصلي ..!!







شكلك بديت تذوب ..

يالله ببدا القصة قبل ماتصير موية ..



ـــــــــــــــــــ


جاتني الغرفة أمس بالليل الساعة 12,30 ..
شافتني صاحي وطفشان ..
انا اول ماشفتها انبسطت مرة.. وكيفت ..

وقلت بس .. الحين بيروح الطفش ياولد ..

قالت ممكن أدخل ..

أنا طفشانة وأبي اسولف معاك ..

وكأني لمحتها تغمزلي وهي مبتسمة ..

انا خلاص .. ماعاد قدرت أنطق .. مدري وش جاني ..

هي بسرعة فهمت الوضع ..

وماقصرت على طول دخلت ..

وقفلت الباب ..!!

قربت من السرير الين صارت قدامي بالضبط ..

جيت بقوم يعنني مسوي محترم ..

قالت مايحتاج تقوم .. شكلك مرتاح كذا وانت نايم ..

وجت بسرعة قعدت جنبي ..

أنا بصراحة انبسطت وخشيت جو ..

بدت تتكلم .. وتحكيلي .. وانا ساكت ..

قالت لي وش فيك ساكت .. شكله كلامي مو عاجبك ..

ولاتبيني اروووووح (( قالتها بدلع ))

عز الله اني ضيعت ..

وقلت لالا والله كلامك حلو .. لوماعجبني كلامك مين بيعجبني كلامه ..

قالت بس انا شايفتك .. ساكت وماتتكلم ..

انا ابغ اخذ و أ دي معاك بالكلام .. وابغاك تفضفضلي زي أول ..

ضحكت وقلت ابشري من عيوني الثنتين ..

قالت تسلملي عيونك يالغالي ..



طحنا بعدها سواليف أنا واياها ..

هي تقولي سالفة وانا اقولها سالفة ..

وفي عز سواليفنا ..

لمحتها تطالع فيني ..

كانت حاطه يدها علىخدها ..

قربت منها اكثر ..

نزلت ا يدها من خدها ..

مسكت ايدي وضمتها ..

وأنا واصلت كلامي ..وقعدت احكيلها ..

قربت مني أكثر أكثر حتى صار جسمي لازق بجسمها ..

حسيت بدفء وحرارة .. حسيت اني مرتاح وأنا جنبها..

قالت .. مرتاح كذا ..

قلت ياليت كذا طول العمر .. انا وياك سوا .. مايفرقنا أحد ..

قالت ومين يقدر يفرقنا .. !!

قربت أكثر وأكثر ..

وحطت يدها على كتفي

بدت تلعب بشعري..

شفتها تناظر الساعة ..

صاحت وقالت .. يوووه الساعة ثلاثة خلاص ابي اروح ..

قلتلها لا لسا بدري .. خليك جالسة معايا ..

قالت لا .. الوقت متأخر ..

شافتني تضايقت ..

قربت مني أكثر ..

ضمتني ..

باستني ..

غطتني ..

وطفت اللمبة ..!!









لحظة ..!!

لاتفهمني غلط ..



كانت هذه أمي لما شافتني راجع البيت متضايق .. ماطاوعها قلبها تنام وولدها متكدر خاطره ..

وكان هذا على ماأظن اغراءها اللي يسمونه في علم النفس (( حنان الامومة )) ..







هاه اخوي .. تقدر تقاوم هذا الاغراء .. أتحداك ..؟؟




منقووووووووووووووووووووووووووووووول







التوقيع :
اضغط على الصورة لفتحها بصفحة مستقلة