السلام عليكم
اسعد الله صباحكم بكل خير
اعود اليكم بعد انقطاع على امل ان اقدم مايشفع لي تواجدي بينكم
جديدي..قصيدة: حلى مصاص
بسيطه سالفة بعدك مادام المسئله ايام=ولكن طاري الفرقى حبيبي قصته قصه
انا متعود اشوفك واعانق عبرك الاحلام=والى من غبت عن عيني احس بداخلي غصه
تصدق هالعمر كله بدونك يامناي اوهام=وقلبي حصري لحبك وعاش بحبكم خصه
احبك واغتني بحبك ولا اسمع هرجة اللوام=غدى نص القلب حقك وحبك مالكا نصه
واذا في المدرسة استاذ انا تلميذك المقدام=احب المقعد الاول وادعوا تطول هالحصه
واذا حبك حلى مصاص انا ذاك الطفل عزام=ترى قمة طموحاته يذوق من الحلى مصه
انا المأمور تحت امرك البي مطلبك الزام=ياست الحسن بصيلي دنا طمعان في بصه
يعني بلهجة الديره نظره والرموش سهام=انا وانتي عقد الماس مع الفرقى نثر فصه
اذوب بخدك الباهي واضيع بثغرك البسام=وجدايل شعرك تحاور حوار المشط للقصه
في قلبي مملكة ودك وفي صدري شجن وانغام=وفي حبك كتاب الحب على رف الغلا رصه
على كلا اذا بعدك مجرد فتره وايام=معاك الله لا تبطي علي وتبتدي القصه
وافي الوعد