[( ســــارب )]

اقتباس المشاركة الأصلية كتبت بواسطة العـ راعي ـليا القصيده السااابعه علّها ترتقي لذاائقتكم يقول من حـدّه زمانـه علـى البـوح=يا من قريت القـاف خلّـك أحيـادي! قلبي معه من بين الأضـلاع مشبـوح=أزرت تضبّـه حيلـتـي واجتـهـادي ما غير يشكي لي عنا البعـد وينـوح=ولا قلت عادي : قـال ماهـو بعـادي! ذاك الذي في داخلـي داخـل الـرّوح=طيفـه حـرم عينـي لذيـذ الرقـادي أبو خديد(ن) .. شعْشعة نور بوضـوح=الريم اللـي لأسـراب الأريـام قـادي له الغلا شيّـد .. بساتيـن وصـروح=يحفّهـا مـن دم ... قلبـي عــوادي لا من تبسّم بسمته .. تشرق بضـوح=ضوح(ن) يدلْ اللي عن الدرب غـادي ما كنّها إلا بارق(ن) ناض .. ويلـوح=في عسعسة ليل(ن) .. كساه السوادي غير أشقر(ن) من فوق الأمتان مسفوح=وعين(ن) بها جيش(ن) .. يدكْ ألمعادي هافي حشا ... كلّه عذوبـة ومملـوح=خفيـف روح وراكـز الطبـع هـادي أليا همس والصوت ناعـم ومبحـوح=أهيم مدري وين أنـا ؟!! بـأي وادي! أنا بدونـه عنـدي العقـل ممسـوح=عدّي عمى ماله مـع النـاس قـادي والهم في صـدري كمـا سـم ذابـوح=يوم انتشر في كـل الأعضـاء سـادي ليته يريّحنـي لـو أصبحـت مذبـوح=ولا رحمة أهموم(ن) .. عليّه أتنـادي أول معه دايـم لنـا ضحـك ومـزوح=واليوم من بعـده .. حياتـي جِهـادي أجاهد الأحزان من وين مـا أتـروح؟=أبغى أتجاهلهـا .. وتزيـد ألعنـادي! لو كان غيره مـا لنـا فيـه مصلـوح=ننساه يا أهل الود .. شي(ن) وكـادي لا شك خلّي هـو دواء قلـب مجـروح=عندي ولا له بين .. حضـر وبـوادي

يا حليلك ..!

اجل هذا قصيتدك ==> لها المركز الثاني من عنده ( عاده يستلهم ) !
والله يا غازي ( وهذي بيني وبين مولاك ) !

اني كنت افكر اختار هالقصيده السابعه ..ولكني لما شفت اختيار نواف الخبر ؟؟
اختياره لقصيدتك ؟!
قلت خلني اعيد واتفحص القصايد من جديد ...
رغم انه حكمي عليها كان ماهو فاضي ==> يعني عجل ..!
بس شفت قصيدة الجبيــل وعملت مقارنه سريعه ...

ما يهمك والله إنها كانت سواسيه عندي ..ما خلاني اختار القصيده الثالثه ..هو قلة
المصوتين عليها ‘‘ ما اقولك هذي مجامله ‘‘ لا ..ولكن وصلت لمرحله تساوت فيها الكفتين !!
وهذا شيْ طبيعي وتلقائي ..وعشان كذا كنت متحامل على اصوات المشرفين لانه راح يكون
فيها نوع من انواع الإجحاف .. زي ما احجفتك حققك .. ؛؛ ولك الحق تقول هالجمله ؟

وبعدين يا اطرق .. صح بوحك ..ولي رده ثانيه ..

حيـــــــــــيه وما جاب ..

ويا صلاتي على النبي ..

اشوفك..