انا اسف على اعادة القصيدة لكن كانت ناقصة بعض الابيات وهنا مكتملة تماما
تلذذت السفـــــر
رحل وقت وتلذذت السفر واقفيت ياالمجنون
مع ان الصدر توه ماتعب يحمل لك اعـــذاري
ولهت وذاب ركنا للحياة بناس يتمنـــــون
وجودك وانت شمعة تنطفــي بيدين متواري
رحل بعض الحكي مابين راجع من هنا لاهون
بصدري وانت تدري ليه ظلك يلفت انظاري
بعد ماتوقد احلامك قهــر كل الليالي لــون
بتفقدني وانا لـون السهر في طيشك العاري
شف احساس الغياب يضيع بك ياحظي المركون
وشف اطراف الصدف تطش حبرك دمع لجداري
ضروف ولاقوت عيني عليهــا والسهر ملعون
خذاني وانت تسأل مابقى وشـ آخر اخباري
وشـ آخباري عسى الله لايهينك والله ان يبطون
بقايا هالحروف المترفه ماجتب لك طــــاري
وشــ الطاري احبك اي وربك لاتقول اشلون
تركت آخر قصيده في عيونك واول اسراري
يافجري والمسافه اتعبت طفلين مايقرون
تلاقيهم مثل ماكنت تلقاني في افكــــــاري
خذوا بيدين ضحكة بعضهم وياليتهم يدرون
بــأن الحب وحدة من متى قانونه اجباري
وشــ الباقي وانا صدر الورق يخونني واخون
عيونك وانت تدري وش عيونك ثلجي وناري
وشـ افكــاري ولاحاجة وطن احتاج له ويكون
غلا مابين قلبا يرتويني وتجفل امطــــاري
احبك من غيابك للمسافه لين احبك دون
واحبك دون رحمة هالمسافه لين مقداري
وانا حالي لحالي وانت حالك مايجيه ظنون
مدام الارض تتسول وجودك وتمزج انهـاري
وشـ اخباري ترى ماكل قلبا تحتويـــه عيـون
وشــ عيوني وانا واصل بشوفي لاخـر اشعاري
رحل وقت وتلذذت السفر واقفيت ياالمجنون
مع ان الصدر توه ماتعب يحمل لك اعـــذاري