[الجليـــــــــد]

بعد تلف التنسيق السابق للقصيدة
وعدم رؤيتها من القرّاء
إعادة للتنسيق هنا مع جم الإعتذار

قَلْبيْ وطِيبَـة قَلبِـيْ اللّـيْ ذِبحَتنـي
والا أنتْ ماتذْبَحْ ولوْ كانْ عُصفُـورْ

رِفَعْتِك وصارَتْ كَراسِيْـكْ مَتْنِـي
وأصْبَحت منّكْ فيْ قِفَى العِنقْ مَنْحُورْ

تَشرَبْ غَديري مِن وِفـا وغِدَرَتنـي
مِنْ ضَعْفَها تُوفـيْ وبالقُـوّة إتْجُـورْ

ماهُـو بقُوّتْهـا تَـراهـا قِوَتـنـي
ولا ني ضِعيفٍ يوم أنا مِـت مغـدُورْ

لِبَست دَمْعة طُول عُمْـري لبستنـي
وأظْهَرت قَطْرَة وداخِلْ بجُوفيْ بحُـورْ

مِنْ يوم فِيْ شَكوى الخِيانات جَتنـي
ورقَى جَهَلْ جَناحَها كانْ مَكْسُـورْ

سنِيْنْ وهي تِنخـان هِـي علّمَتنـي
قلب لِـسبعْ سنين يِنْخـان مَقْهـورْ

وباحَتْ مِذابِحْهـا علَـيْ وقتلتنِـي
وضمّدتْ جَرحٍ ينزِف الـدم مَنْثُـورْ

دِمَعتْ ( لجْلِه ) و (مِنْة ) ويوم تركتني
(علية ) منّي دَمْع الأحـزان ممْطُـورْ

هُمْ ديّنوها ومِـنْ عَطاهُـمْ عَطَتنـي
وتَدعي لي الله 00 بعطاَيايْ مأجُـورْ

بيرٍ جِفافْ 00تصب به سـم تسنـي
سمٍ ولاهو بيْـر للسِـمْ مَحْفُـورْ*

تِعْطي بتَلقى وتـزرع الـزرع تجنـي
زرعٍ زرعته وكل محْصُـود مَبـذُورْ

وهُمْ زِرَعوهَا وهـي بحَصـدٍ بلتنـي
تنخان00تبي تخون00والأيام بتـدورْ

يمْكن ظلَمني حظيْ 00وهي ماظلمتني
ويمكِنْ ظَلَمْها قلبَها بكِذْبْ وفجُـورْ

ويِمكن نتـاجْ مِعاشرتهُـم سِقَتنـيْ
ومن عاشِرْ وحُوشْ الزِمَنْ صار مَسعورْ

خانة وفاهـا لِـيْ مُـو (خاينتنـيْ)
وأوفت لِـشخصٍ خانته معي مغدورْ

شَخص الخيانـة ولاّ أنـا ماعرفتنـي
وش جاب سَبْع سنين مع عدة شِهورْ

مَاقِلـتْ خَانتنِـيْ ولاهـيْ وفَتنـيْ
ولاني بِذَمْ00مِن كِدْ مَلَكني بمسـرورْ

كِنْت أتغزّلْ بها وهي 00ماإغصبتنـي
ولا على حَلْقي مسِكَة حَدْ ساطُـورْ

من بَحَر قلبـي فِضتَهـا وهَيّضتنـي
ولاني بمِنْهُو جمَّـل الشِعْـر بالـزورْ

وقَسْوَهْ00جِفَا00غدْرٍ جِزاوي جزتني
هـذا ورى هـذا ورى ذَاكْ طابـورْ

وإذا إنتَهَـت قََسْوَتْـه مافارقَتـنِـي
ترجَع ورى غَدرِه وتْعـاوِدْ الـدورْ

ويومْ رِحَمَتنـي لِيتَهـا مارحَمَتنـي
يومْ رِحَمَتني شالَت النـار, والنـورْ

نـارٍ تواهَـجْ بالصِميـمْ حِرِقَتنـي
والنور مدريْ نـورِهْ أو نـور تَنّـورْ