نـادى وجيتـه ماوقفـت ودعيتـه
قلبي الآمـن جالـه الصـوت لبـاه
تركت كـل اللّـي شغلنـي وجيتـه
نفسي وروحي جالهـا اللّـي تمنـاه
دامـه نصانـي قلبـي اليـوم بيتـه
ماحل ضيف(ن) مالكه بكـف يمنـاه
لويطلـب الغالـي بذلـت وعطيتـه
يرخص له الغالـي جميعـه ويفـداه
يآمـر وينهـى ولا أمـر ماعصيتـه
أمره مجاب ولو طلب صعـب جبنـاه
بمشي بدربه ولوهو جمر(ن) وطيتـه
ما همني دامي علـى الـدرب بلقـاه
لوهو ظلام (ن) غصب عني سريتـه
يضوي جبينه لـي ظلامـه ويمحـاه
الله وكبـر يـا جمـال (ن)رئيـتـه
سبحان ربي كملـه بحلـو الاشبـاه
الحمـد لله صبـر قلـبـي جنيـتـه
خل(ن) عطوف(ن) ينْسي القلب ماجاه
اللّـي تمنيـتـه لنفـسـي لقيـتـه
متلهفـه روحـي لشوفـه وجمعـاه