اقتباس المشاركة الأصلية كتبت بواسطة الطلحي2000 الشـعر عـيّت لاتـوفّي قصـايده=وعجـز القلم يكتب وجفت مـدايده حتى القصص عجزت وكلّوا رواتها=وش عـاد نحصي للفريد وفـرايده ووسـائل الإعـلام والنثر والأدب=رغـم كـثر كتّابه وكـثرة جرايده عجـزت توفّي راعي الجود والكرم=راعي الوفـا في كل صادر ووارده به طـيبة تكفي هـل الأرض كلهم=ماني مبالغ عن هـل الأرض زايده هـذا أبـونا اللي تشـرّف أبـوّته= الصـدق والإخلاص سـيده ورايده هـذا أبـونا سـتة انعام من أبـو= وحـنا عياله تحت امـره نسـانده هذا الـزعيم اللي تشـرّف زعامته=وهو الأصيل اللي تنومس عـوايده حـييت ياصـقر العـروبه وذيبها=شايل هموم الشعب لو كـان كايده صقر على الهدات ضـاري ومقتدر=وذيب على البلاّس تضرب سواعده حييت من رب السـموات وأرضها= تحـية توصـلك مـع كـل نـايده ياشـيخ انت الرمز بالقلب والمثل= وانته بعلـم الطيب ياشـيخ قـايده ياشيخ لك ود سكـن خافي الحشا=الله يشـهد والمـخـاليق شـاهده ياشـيخ انت الخير والعز والسعد= يحفظك منشي مـزن تـرزم رعايده صـقر العرب ماهو كـلام نردده=إلا حقيقه صـدق ماحـد بجـاحده ياملجـأ الأيتام من شـدة الزمن= يلقون فـي ظـلك امـان وفـايده يفـداك راسـي والمعاليق كلها=أفـديه في سـاعة رخـاه وشدايده يامر وحنا تحت امـره وشورته= لـو عـاند البحـر المدمّر نعـانده وختامها مني صـلاة على النبي=شـفيعنا يـوم المخـاليق حـاشده قصيدة جزله من شاعر متمكن صح لسانك يا الطلحي وتقبل تحيااتي ومروووري