ياليل الياس والاحزان مـــتــاه يبين لي فجرك
سهرت وملّت اعـــيوني ووجدي فيك اضناني
متى من طـــــاع عذالي يحس ويفهم ويدرك
بأنه في قــــــرار البــعد أعز الناس غلطاني
خـطـــا يامـالك ن قلبي تبيع اللي رفع قدرك
خـطــا تبعد وتسـمع بي كلام افلان وافلاني
عواذل همهـم زرع الجـــروح بصدري وصدرك
تجــاهلهم مثل ماني متجاهل كل من جاني
حبيبي يكفي تعذيبي بصدك مااحتمل هجرك
عذابي زاد : ارحمـــني وخفف لـوعة احزاني
ياغالي وبالغلا هالناس كل الناس ذي حدرك
يمين الله مــــامثلك بقـــــلبي واحــدن ثاني
انا من غبت عني ياحــبـيــبـي عايش بذكرك
خــيالك مــــايفارقني مـقرّه تحت الاجفاني
أمني الروح في وصلك واقول يلخافقي صبرك
تصـــــبر يمكن الايـــــام : ترد اللي تنـــاساني
الين الحـــال قفّت شف حالي مي على خبرك
نحـــيل وبايدن حيــلي من اهمــوم ن توطاني
وانا مـــن شــــاف حالي قال الا ياربنا سترك
أو انه قــــال ياربي دخــــيـــــلك لا تبّـــــلاّني
فهل يرضيك تعذيبي واذا ارضاك وش عذرك
في يوم ن فيه ينعدن خطايا كل انساني
,,,,,,,,,,,,,,,,,,,,,,,,,,,,
متاابع :
قصيدة جزلة ورقيقة وعذبة ,,
بوح جميل بألفاظ راقية وبليغة ,,,
أسجل عظيم أعجابي بما سطره قلمك ,,
وأمل قبول تحياتي وتقديري ..,,,,,