هذه المحاورة جرت بين الشاعرين : بوش بن بوش وتوني بلير حيث جاء بلير إلى أمريكا لحضور المؤتمر الثنائي مع بوش وعندما دخل على بوش في صالة الاجتماعات بدأ بهذه المحاورة وقام بوش بالرد عليه فورا .....
ـــــــــــــــــــــــــــــــــــــــــــــــ
قال بلير
الله لايجزاك بالخير يابوش ورطتنا في حرب صدام ورطة
غرمتني وتقول بترول وقروش بس الحقيقة روحتي معك غلطة
قال بوش
يابلير رد العلم عن بوش بن بوش الله خلقنا للمقاريدسلطة
وأبوي عنده للرياجيل دنبوش كم واحد شلنا فلوسة ونفطة
قال بلير
أبوك والنعمين مير انت مربوش تموت بالبترول وتحب شفطة
صحيح عندك مال وسلاح وجيوش مير أتوقع لك تدهور وسقطة
قال بوش
يابلير كنك خفت يوم احتمى الهوش حرام ماتاخذ من النفط نقطة
قبلك ترا شيراك قد راح مكروش شوفه يصرح كل يوم بمحطة
قال بلير
وراك ماتعطي لشيراك عرموش تراه مشغلنا بشيله وحطه
وليا انتهى موضوعنا نرسل طروش ونجمع المبلغ مع الربع قطه
قال بوش
شيراك هذا عنده الفكر مغشوش فرط علي في مجلس الأمن فرطه
يدزه اليابان والصين ويطوش ومجهز الفيتو لتحقيق شرطة
قال بلير
يابوش انا مرهق وخايف ومدهوش وانته تقول الحرب خطة وخدعة
أسراي واسرآك امتلا منهم الحوش عز الله انه صابني منك جلطة
قال بوش
ما قلت لك كم فيه من إذاعات ودشوش لاتكشف المعنى وأنا فول غطه
وان قالوا إحنا علوج واصحابنا جحوش ماهمنا الصحاف واللي يحطة