عادي ورب البيت يانك عادي = إلا ولد او بنت ماني مسميك
قصدي نقضي الوقت والجو هادي= وانته بطيبك جيت ماني مخليك
النت ماهو قاضي ٍ في مرادي=نت ٍ يسليني ونت ٍ يسليك
وليا سرينا كل حي ٍ في وادي=مادمت مرضيني وانا زود مرضيك
ماهي ملامه مير هذا اجتهادي=في نت مخفيني وفي نت مخفيك
والحمد لله مالنا فالفسادي=ما شي مدنيني ولا شي مدنيك
مير الزمان وضاع فيه المنادي=وقت ٍ تجمّع فيه سبعه مع الديك
في حلة ٍ صاير بها العــِرف غادي=درب ٍ وماتدري ترى فين يوديك
يانك منته من يهوّن رقادي=منته من اللي في حياتي منقيك
انته اسم صاحبك ماهو ببادي=مبعد وكل الشي يمك موليك
حتى حياتك صايره فالجمادي=لو ينقطع خطك تضيّع مواريك
ياكيف اعدك حي من هالعبادي=وانته اسم قد ضاع يانك راعيك