حظي رماني بس مدري على وين = ماعاد لي في موطن الحب فيه
وش حيلة اللي حب ناس(ن)بعيدين = وأرسل لهم روحه وقلبه هديه
حنا معه في سكة الحب ماشين =عشنا مع الأحلام لحظة هنيه
كنا على عرش المحبة سعيدين=مع الأمل نرسم حيآة(ن) سويه
نبدع حروف الشعر نعطي براهين=همسآتنا بالحب دايم أبيه
صادق وفي حرفه شموخ وقوانين= والله ماعمره نوى بالرديه
أغليه لو إنه بعيد وناسين = وأطلب وصاله والمعاني عصيه
حاول يصد القلب عنه بجرحين= جرح الفراق وصدقه بكل نيه
يخشى علي من هرج ناس(ن) حسودين= ويصون حبه عن دروب الأذيه
مهما حصل وافين والله وافين = يا أهل الشهامة والوفاء والحمية
العمر مابه فرق بين المحبين= ياما جمع شمل القلوب النديه
كم واحد(ن) وصل من العمر خمسين= وقلبه خضر وأغصان حبه طريه
وختامها يا حظ مدري على وين = بالله جب علم القلوب الوفيه
))
((
مهآآآآجرة