السلام عليكم ورحمة الله وبركاته
عيدكم مبارك للمره الألف
ود الجوف عيدك مبارك وكل سنه وأنتي أحلى
بالنسبه ليوم العيد إلي هو أمس تعالو أخبركم وش سويت
وكيف كان عيدي
طبعا ماصليت السنه هذي لأني مسويه العيديه
بجانب تحضير القهوه والشاهي والنعناع
وكل شي حلو طبعا معي أختي ولا على كيفهم أسوي كل شي لوحدي كان
أعلم ماي فاذرالمهم
رن جرس الباب معلنا دخول أهلي عائلتي بالأول وهاتيها سلامات
ومعايدات وتعليقات وإستهبال وضحك ووناسه
بعدها بربع ساعه شرفوا الباقين وإستقبلناهم وكانت جمعه حلوه
بروح العيد
وطول اليوم وحنا نجدد القهوه طبعا غدا وعشا في بيتنا وفي الليل
أخذنا أخوي في جوله بالرياض ومرينا على الاماكن الي فيها إحتفالات العيد
وناسه سبحان الله كشخة العيد غير
واليوم وبعده وبعده كذا وكل يوم في بيت أحد من الكبار
لازم ينسى الواحد الهم والكدر والزعل والخرابيط ذي ويعيش
لحظة العيد وفرحته
أما من كان عنده ظرف غصب عليه وقَدر قبل أي شي فهذا من الله
والحمدلله على كل شي
وعلى فكره البعيد عن العين قريب من القلب وبقوه ماهو بعيد
عن القلب أبد أبد أهلنا إلي بعيدين في مناطق ثانيه نوصلهم بالجوال
وحتى لو ماوصلناهم ولاسمعنا صوتهم غصب نذكرهم
وش بعد ياربي وش بعد إيه تذكرت
أمس وحنا نسمع صوت الألعاب الناريه
(الشروخ نفسي أعرف ليه سموها شروخ وبعد فيه من يسميها طراطيع )
ولله تذكرت الي عندهم حروب الله يكون في عونهم يارب يديم علينا الأمن ياربي
ولا يحاسبنا بما فعل السفهاء منا
نسيت حبايب قلبي مبزرتنا مسوين لهم حفلة العيد وبعد كنها ماعجبتهم
لأنا مسوينها بالبيت لاكن وريتهم لما جا وقت الهدايا
الي مسوين القلق عطيتهم على هديه وحده فقط وعلمتهم السبب
لايسون إنقلاب في البيت
لكن وناسه وفرحه مبطيه عنها
أمنياتي بأن يرزقنا الله جميعا مايُسعدنا ويبهج قلوبنا قادر على ذلك
وعاد نجي للعيد الثاني في يوم 8 او 7 او 6 أبدا بتحضير للدوام صح إنه غثى وقلق
وتعب لكن الدوام مثل الزواج شر لابد منه وبنفس الوقت الواحد يثبت وجوده
ويعرف إمكانياته ولأي مدى ممكن يعطي من خلال العمل هذا عن نفسي
ويبقى لكل إنسان مذهب
وخلاص هذا كل إشي وجعل حياتكم كلها أفراح وأعياد
رســـــــــــــــــــاله :
لاتحاسب الغير وتنظر في عيوبهم وأنت مليء بالعيوب ولابأس إن أخطأت
لكن خذ العبره من التجربه ولا تعاود االخطأ مرة أخرى