تغيرت دنياي واظلم سمايا = صارت حياتي بالشقا والبهاذيل
عقب السعاده سافرت بالنهايا = خلت حياتي للحزن والغرابيل
جتني تودعني وقالت رجايا = ابيك تذكرني ولو بالمراسيل
لا تستمع فيني كلام الوشايا = هذا الوداع اليوم مافيه تأجيل
قلت اجلس لو نصف ساعه معايا = ارتاح معك واهتني في تعاليل
قالت ابي اخبرك ماهو خطايا = مجبوره ارحل مابيدي محاصيل
راحت وخلتني اعيش بشقايا = اكتب بها اشعاري وجر المواويل
طيفه سكن وسط القلوب الحنايا = اشوفها بالحلم في ظلمة الليل