قال: الظروف .. وقلت : يالله عسى خير
قال : الرحيل .. وقلت : بالامر خيره!
كذا كذا .. فجأة .. بلا صوت تحذير
كذا كذا .. من دون .. فرصه اخيره
ساد الجفاف .. وجفت العين والبير
ومال الغصن .. والطير .. فضّل مطيره
ما في يدي حيله .. على الغصن والطير
ولا في يده حيله .. يغيّر مصيره!
كلي .. بعين الحزن .. مترسّم آمير
جيشي .. جروح .. ونبض قلبي .. ذخيره!
ثار الرصاص .. وطاح غصن العصافير
وصوّب حزين القلب .. اصابة خطيره
ما لي سوى البسمة .. بوجه المخاسير
مادام كل احلام عمري ... كسيره
هذي هي الدنيا .. نصيب ومقادير
وبعقل من يعرف مداها .. قصيره!
كم غلفت بالشوك .. ورد المشاوير
وكم كفنت بالجرح .. قصه مثيره
يعني !! سلام .. ونلتقي بك على خير
يعني !! وداع .. وكل شخص ومصيره!!