[نديم القصيد]

	لو كل واحد استعد وصار يراوده الرحيل بيصير دايم بانشقاق ويصير دايم بالعنا كل (ن) يدور راحته والراحه صارت مستحيل اصبر وثابر يالحبيب بتقطف انواع الجنا انت اخو ونعم الاخو لفراقك الدمعه تسيل لو ينحذف هذا القرار من خاطرَك يوم المنا دايم تراها دنيتي بالحظ يمحمد تميل وانا اجالد قسمتي علّى اعيش يومي بهنا ياما افكر اتبعد والدرب قدامي طويل وارجع اقول وش همني غير المبيت بدارنا دار المحبه عشنا يمحمد ياابن الجبيل الود صار ياصاحبي حب ( ن ) كبير بدمنا الود هو منبر كبير يتوارثه جيل (ن ) لجيل الود هو البيت الوحيد يعيش فيه احبابنا ابيك تراجع ياخي وانت شاعرنا الجميل عساك سالم ياخي وتبقى دوم ذخر (ن ) لنا