يعطيك العافيه
بالنسبه للمهاجميـن فياسر ومالك عندهم اصابه وتعافوا منها مؤخراً
وبالنسبه لـ سعد الحارثي انا بالنسبه لي ومن وجه نظري اعتقد ان
سعد الحارثي مهاجم عادي مثله مثل فيصل السلطان ومحمد السهلاوي
لكن الاعلام النصراوي وضع منه المهاجم الخرافي اللي ما يضيع ولا فرصه
واعتقد ان سعد يصلح احتياطي لمهاجم مبدع مثل ياسر او مالك مع احترامي
الشديد طبعاً للكابتن سعد الحارثي ،
وبالنسبه لمهارات لاعبيـن المنتخب السعودي بالعكس اخوي ان اشوف ان
المهاره الفرديه موجوده عندنا خصوصاً في مالك وعبده عطيف وكذلك الفريدي
لكن يحتاج لها شوية تطوير مع ثقه بالنفس واعتقد ان المنتخب السعودي يسمى
برازيل الخليج بسبب كثرة اللأعبين المهره ولا انسى الشلهوب وسامي في سابق
عهده وكذلك نواف عام2000وفهد الغشيان هاللأعب قمه في المهاره الفرديه والمصيبه
الكبرى في المهاره الفرديه ابويعقوب الفيلسوف يوسف الثنيان واعتقد ما يختلف عليه اثنين
لدرجه ان مدرب المنتخب البرازيلي سابقاً (زاجالو)قال في يوم من الايام
لو يوسف الثنيان برازيلي الجنسيه لاصبح لاعب اساسي لا يمكن الاستغناء عنه
في المنتخب البرازيلي وهذا دليل كبير على مهارت الكره السعوديه اخووي
وبالنسبه لتسديد الكرات الثابته وإن هالميزه لا يتقنها لاعبين المنتخب السعودي
هذا غلط اخوي كان فيه يوسف الثنيان وفيصل ابواثنين وكذلك عبدالله الواكد
وعبدالله الجمعان ان معك انهم قلـه ينعدون على الاصابع بس هالمهاره اخوي
ما يركزون عليها اللأعبين وهي تحتاج لتدريب طويل فقط لاغير مع شوية موهبه
وبالنسبه للصحافه فهالموضوع انا معك ميه بالميه صحافتنا عاطفيه جداً تحصل صحفي
لاينتقد لاعب هلالي كان مستواه ضعيف في المباراه الفلانيه وكل هذا بسبب الميول وتجده يحط اللوم على لاعب نصراوي منافس لفريقه والعكس صحيح اخوي والضحيه يطلع المدرب لكـن هالشيء لا يمكن تغيره الا من انفس الصحافه والصحفيين اخوي
والموضوع خارج عن يد القياده العامه واقصد هنا الامير سلطان بن عبدالعزيز
تحياتي لك